Ekologiyaya ziyan vuranlar cərimələnib
Nurlana Abdullayeva
22-08-2020 11:57
448 Baxış
Ekoloji tarazlığın qorunması və ətraf mühitin mühafizəsi istiqamətində 10 saylı Ekologiya və Təbii Sərvətlər İdarəsi bir sıra tədbirlər həyata keçirir. Fiziki və hüquqi şəxslər tərəfindən yol verilən qanun pozuntularına qarşı, cari il ərzində idarə tərəfindən 11 akt və 9 protokol tərtib edilib. Yaşıllıqlara dəyən ziyanla bağlı 7700 manat cərimə tərtib olunub. Tərtib olunan 7700 manat cərimənin 2603 manat məbləğin ödənilməsi təmin edilib. Bununla belə vətəndaşların müraciəti əsasında idarə tərəfindən Gəncə şəhəri üzrə 195 ağacın aqrotexniki qaydada budanması və kəsilərək götürülməsi həyata keçirilib. Görülən tədbirlərlə yanaşı idarənin əməkdaşları, vətəndaşlar tərəfindən yol verilən qanun pozuntularına qarşı mütəmadi reydlər təşkil edir.