Gəncədə partlayan binanın sakinlərinə yeni mənzillərin açarları təqdim olunub.
Gəncənin Şahlar Hüseynov 13A ünvanında qaz sızması nəticəsində partlayan binanın yerində inşa edilən yeni bina tamalanaraq sakinlərin istifadəsinə verilib. 2018-ci ildə baş verən partlayış nəticəsində yararsız hala düşən bina ölkə başçısının sərəncamına əsasən prezidentin ehtiyyat fondundan ayrılan 3,7 milyon manat vəsait hesabına yenidən inşa edilib. 5 mərtəbəli, 2 blokdan,50 mənzildən ibararət binanın ümumi sahəsi 4570 kv metrdir. Binadakı 50 mənzilin 22-si bir otaqlı, 16- sı 2 otaqlı, 12-i isə 3 otaqlıdır. Binada yaradılan şərait mənzil sahiblərinidə razı salıb. Binadakı bütün mənzillər mərkəzləşdirilmiş istilik sistemi, internet və rabitə xətti ilə təmin olunub. Bina 24 saat təhlükəsizlik kameraları ilə müşahidə olunur.