Koronavirus pandemiyasının əhaliyə mənfi təsirlərini azaltmaq məqsədilə aparılan genişmiqyaslı tədbirlər istiqamətində Əmək və Əhalinin Sosial Müdafiəsi Nazirliyi tərəfindən müvafiq işlər aparılıb və onlar hazırda davam edir.Bunu YAP Gəncə şəhər təşkilatının təşəbbüsü ilə keçirilən “Pandemiya və postpandemiya dövründə sosial müdafiə tədbirləri və səhiyyə” mövzusunda videokonfransda ƏƏSM Nazirliyinin sosial təminat siyasəti şəbəsinin müdiri Babək Hüseynov bildirib.Babək Hüseynov tədbirlər planının istiqamətlərindən biri özünüməşğulluq proqramlarının genişləndirilməsini də diqqətə çatdırıb. Qeyd edib ki, bu çərçivədə 2020-ci il ərzində 12 minə yaxın ailənin özünüməşğulluq proqramına cəlb edilməsi nəzərdə tutulur.