YAP Gəncə şəhər təşkilatının aparat üzvləri Azərbaycan Xalq Cumhuriyyəti muzeyini ziyarət ediblər
ganjatv
27-05-2021 15:30
437 Baxış
Yeni Azərbaycan Partiyası Gəncə şəhər Təşkilatının aparat üzvləri və partiyanın fəal gəncləri Azərbaycan Xalq Cumhuriyyəti muzeyini ziyarət ediblər. Məqsəd, müsəlman şərqində yaradılan ilk dünyəvi, demokratik dövlət kimi tarixə düşən Azərbaycan Xalq Cumhuriyyətinin tarixinə əyani nəzər salmaq və gəncləri bu istiqamətdə daha çox məlumatlandırmaq olub. Azərbaycan Xalq Cumhuriyyəti muzeyi 1919-cu il dekabrın 7-də Azərbaycan Parlamentinin işə başlamasının ildönümü münasibətilə onun binasında açılaraq, Parlamentin nəzdində fəaliyyət göstərib. Muzeydə Azərbaycanın azadlıq və istiqlalına dair sənəd və materiallar, tarixi və maddi mədəniyyət örnəkləri, silahlar, numizmatika nümunələri, rəsm əsərləri və müxtəlif əlyazmalar toplanıb. Ziyarət zamanı gənclərə, Azərbaycan Xalq Cumhuriyyəti və həmin dövrə aid, sənəd və materiallarla bağlı geniş məlumat verilib. Qısa ziyarət, gənclərdə Azərbaycan Xalq Cumhuriyyətinə dair geniş təsəvvür yaradıb.