Yeni Azərbaycan Partiyası Gəncə şəhər Təşkilatının aparat üzvüləri Ulu öndər Heydər Əliyevin anadan olmasının 98-cı il dönümü münasibəti ilə ağacəkmə aksiyası keçiriblər. Heydər Əliyev Park Kompleksində həyata keçirilən aksiyda, iştirakçılar Ulu Öndərin adını daşıyan parka simvoliq olaraq 98 ədəd Xan çinar əkiblər. Bununla yanaşı aksiya iştirakçıları ərazidə təmizlik işləri də aparıblar. Park ərazisinə atılan məişət tullantıları yığılaraq daşınıb.

Həmçinin əvvəlcədən əkilən ağacların dibləri də bellənərək aqrotexniki qulluq göstərilib. Qeyd edək ki, Yeni Azərbaycan Partiyası Gəncə şəhər Təşkilatının aparat üzvüləri mütəmadi olaraq, həftə sonları şəhər ərazisində mövcud olan yaşıllıqlara qulluq məqsədi ilə iməclik təşkil edirlər.