Vətən müharibəsində şəhid olan Azərbaycan ordusunun daha bir hərbiçisi, bu gün Gəncədə dəfn olunub. 1997-ci il təvəllüdlü Elvin Fuad oğlu Mustafayev, Vətən müharibəsinin ilk günlərində döyüşlərdə iştirak edib. Bir çox kənd və qəsəbənin eləcə də rayonların azad edilməsində iştirak edərək böyük şücayət göstərən Elvin Mustafayev, Füzuli, Zəngilan istiqamətlərində gedən döyüşlərdə itkin düşmüşdü. Ötən gün şəhidin nəişi ordumuzun hərbi qulluqçuları tərəfindən aşkar edilərək yaxınlarına təhvil verilib. Qeyd edək ki, şəhidin dəfnində şəhər rəhbərliyi, ictimaiyyət nümayəndələri və çoxsayda vətəndaş iştirak edib.