Uzun müddətdir ki, Gəncədə həyata keçirilən su-kanalizasiya xətlərinin yenidən qurulması işləri nəticəsində, yollarda aparılan qazıntı, küçə və prospektlərin asfalt örtüyünü yararsız hala salıb. Bu məqsədlə şəhər icra hakimiyyətinin göstərişinə əsasən, komunal xətlərin yenilənməsi prosesi başa çatan küçə və prospektlər yenidən asfaltlanır. Hazırda işlər şəhərin Heydər Əliyev prospektinin Mirzə Abbas Abbaszadə küçəsi ilə kəsişməsinə qədər, uzunluğu təxminən 600 metr olan hissəsində həyata keçirilir.Buradakı işlər yekunlaşdıqdan sonra digər küçələrin asfaltlanmasına başlanılacaq.