Mərkəzi Qan Bankı ölkədə irsi qan xəstəliklərindən əziyyət çəkən xəstələrin qana olan tələbatının artmasını nəzərə alaraq vətəndaşlara könüllü donor olmaq üçün çağırış edib. Talasemiya və hemofiliya eləcədə ağır koronaviruslu xəstələrin müalicəsində donor qandan istifadə olunması Mərkəzi Qan Bankında və onun bölmələrində qana olan tələbatı artırıb. Mərkəzi Qan Bankının Gəncə bölməsində də donor qanına ehtiyyac duyan xəstələrin mütəmadi qanla təmin olunmasında çətinlik yaşadıqlarını qeyd ediblər. Bu məqsədlə Mərkəzi Qan Bankının Gəncə bölməsi də Gəncə və ətraf rayonlarda yaşayan və sağlamlığı imkan verən vətəndaşlardan könüllü donor olmalarının vacib olduğunu və önə çıxaraq həyat qurtara biləcəklərini qeyd edib.
Qeyd edək ki, təkcə qərb bölgəsi üzrə aktiv talasemiyalı xəstələrin sayı 74 hemofiliyalı xəstələrin sayı isə 67 nəfərdir.