Vladimir Putin onları Moskvaya dəvət etdi
Rusiya Prezidenti Vladimir Putin Dağlıq Qarabağ münaqişəsinin nizamlanması ilə bağlı danışıqlar aparmaq üçün Azərbaycan və Ermənistan Xarici İşlər nazirlərini Moskvaya dəvət edib. Bu barədə Kremlin saytındakı məlumatda deyilir. O həmçinin Bakı və İrəvanı əsir və həlak olanların meyitlərinin dəyişdirilməsi məqsədilə Dağlıq Qarabağda hərbi əməliyyatların dayandırılmasına çağırıb.


“Azərkosmos” yeni görüntülər yaydı
27 il ərzində işğal altında olan Cəbrayıl şəhərində Ermənistanın hərbi təcavüzü nəticəsində Azərbaycan xalqına məxsus tarixi və mədəni abidələr dağıdılıb. Həmin ərazilərdə qeyri-qanuni iqtisadi və kənd təsərrüfatı fəaliyyətləri həyata keçirilib. Bununla bağlı “Azersky” peyki vasitəsilə əldə olunmuş təsviri “Azərkosmos” yayıb. Bildirilir ki, Ermənistanın beynəlxalq hüquqa zidd olan bu kimi fəaliyyəti hələ ki Azərbaycanın digər işğal altında olan torpaqlarında davam edir.